Die-alectics (If I should die)

waun e schdeam soit

waun i amoe a bangl reis
zu deitsch: de bodschn schdrek –
i hoff es dauad no a wäu
bis zu den leztn schrek –
waun i daun oesdan schdeabm soit
so bit ich eich nua r ans:
jo nua ka r eangrob aum zenträu!
i schdee ned auf so danzz..

bei dea behaundlung wuat ma schiach
diaregd fon mong aus wuad ma schlecht
waun i den aufwaund sechad
den wos ma mia do aunduan mecht
– de bompfinewara
– des foesche goid
– de grausmusik
– dea blumanwoed
und extra no alaa fia mii
ar süwadaxe gaunz aus glos
mit einem aufbau wia r a grotnbaun?!
no hawedere! lost s do d hend dafaun.

fargrobt s me daun scho liawa
in an luftbalaun – oda fomiraus
en an gschdolan schdeklschuach
oes duatn draust in disem weidn
bradn winfdfarwadn grobschdaapark zenträu!

h.c. artmann

http://www.youtube.com/watch?v=z6nAnhurryo